請選擇
搜尋
注意:

  1. 呢個Instagram帳戶,「夠薑蔥」,係由恆生銀行有限公司所建立或管理嘅。使用「夠薑蔥」Instagram專頁表示你已經睇過並同意接受我哋嘅《用戶守則》[加入相關連結] 同埋《重要提示》[加入相關連結]。瀏覽「夠薑蔥」Instagram專頁前,請你先同家長或監護人一齊睇我哋嘅《用戶守則》[加入相關連結] 同埋《重要提示》[加入相關連結]。

  2. 所有喺呢個Instagram專頁上嘅資料只係用嚟做參考。裡面提供嘅資料並唔構成任何產品或者服務嘅邀請或要約。我哋亦無意透過專頁發佈嘅資料,提供投資或其他嘅專業意見。

  3. 除非已經得到家長或者監護人嘅同意,恆生銀行係唔會,亦冇打算透過呢個Instagram專頁收集任何Instagram帳戶用戶,尤期是任何18歲以下未成年人嘅個人資料。 請你唔好喺呢個平台透露個人資料。如果你喺呢個專頁透露個人資料,請你睇左我哋嘅《私隱政策》[加入相關連結]。如果你未夠18歲但係有機會喺呢個專頁透露個人資料,咁我哋要麻煩你先叫家長或監護人睇我哋嘅《私隱政策》[加入相關連結],徵詢同埋得到家長或者監護人嘅同意。

  4. 如果我哋發現收集咗啲冇得到家長或者監護人同意嘅未成年人個人資料,我哋唔會用嗰啲資料,亦會盡快將嗰啲資料喺我哋專頁刪除。我哋想提醒你,雖然你可以刪除任何你喺我哋專頁上發佈嘅內容,但係嗰啲內容可能已經好容易咁比其他嘅用戶或人複製並轉載咗去其他嘅公眾討論區或社交平台上面,而呢樣嘢你係冇辦法控制嘅。

  5. 如果你喺我哋專頁提供任何個人資料,佢哋嘅收集、使用、披露及儲存過程將受到Instagram《數據使用政策》嘅約束,而恆生銀行係冇辦法控制呢啲活動嘅。我哋唔會為Instagram喺收集、使用、披露及儲存你個人資料過程中引致嘅任何損失、損害或責任負責。你需要為自己喺Instagram嘅私隱設定全權負責。如果因為你自己帳戶嘅私隱設定,令到你發佈嘅帖子及內容可以比公眾瀏覽,我哋係唔會為此負上任何責任。

  6. 如果你相信我哋可能收集咗一啲未成年人嘅個人資料,請透過 [加入相關電郵地址] 依個電郵地址聯絡我哋。
 
《用戶守則》

為咗喺我哋嘅Instagram專頁建立一個健康,友善嘅環境,以下係一啲我哋認為你必須要遵守嘅重要用戶守則。如果你唔遵守我哋嘅用戶守則,我哋有權刪除你發佈嘅帖子、回應及內容。如果你重複違反我哋嘅用戶守則,我哋可能需要封鎖你瀏覽我哋嘅專頁。如果你對我哋嘅用戶守則有啲咩嘢唔清楚或者唔明白,請你搵你嘅家長或監護人幫你。

 

  1. 如果你屬於以下任何一類人士,請你唔好繼續瀏覽我哋嘅專頁:
    a. 未年滿13歲;
    b. 偽裝或冒充他人;或
    c. 已定罪嘅性罪犯。

  2. 我哋想提醒你,任何人包括屬於守則(一)嘅人士都可以喺Instagram建立帳戶。雖然我哋有規定邊啲人可以瀏覽我哋嘅專頁,實際上任何Instagram用戶都可以瀏覽我哋專頁上嘅討論及資訊。咁嘅安排係喺我哋嘅控制範圍之外。

  3. 我哋冇辦法控制你點樣同瀏覽我哋專頁嘅其他用戶互動;我哋亦冇辦法確保其他用戶,喺我哋專頁或其他地方,都唔會做啲犯法、失實、有誤導性或欺詐性,或者係為咗達到啲非法或未經授權嘅目的嘅行為。我哋唔會為任何你可能同其他用戶有嘅互動所引致嘅任何損失、損害或責任負責。

  4. 你必須遵守我哋嘅用戶守則,以及Instagram《使用條款》、《社群守則指引》及一切其他嘅規條及政策(詳情請睇呢頁)。
  5. 請你謹慎同埋負責任咁使用任何我哋或者其他用戶喺我哋專頁分享嘅內容。
  6. 你需要為自己所有嘅行為,同你喺我哋專頁分享嘅內容負責。我哋亦唔會對其他用戶嘅行為,或者佢哋分享嘅內容令你覺得反感負責。請你謹記,我哋嘅專頁係透過Instagram平台提供,所以你所有嘅行為,或喺我哋專頁分享嘅內容,都會受到Instagram嘅使用條款約束。當你對打算喺網上分享嘅資訊有啲咩嘢唔清楚嘅時候,你應該請教你嘅家長、監護人或者老師。

  7. 請注意,任何人都可以見到你喺我哋專頁發佈嘅內容,或者你從我哋專頁所轉發嘅內容。如果你想知道更多有關Instagram私隱嘅設定,請瀏覽呢頁。喺我哋專頁發佈內容前,請你諗清楚先。如果你喺我哋專頁發佈咗一啲內容,但事後改變諗法,你可以根據呢頁嘅指引編輯或刪除呢啲內容。

  8. 請你唔好喺我哋嘅專頁發佈以下類型嘅內容:
    a. 個人及機密資料,或可直接或間接確定一個在世嘅人嘅身份嘅資訊(例如:信用卡資料、身分證號碼、個人地址或位置資訊、非公開的電話號碼或電郵地址或任何其他個人識別符);
    b. 用作霸淩、騷擾他人或使他人感到唔愉快嘅言論;
    c. 針對且貶低或羞辱他人嘅仇恨言論;
    d. 重複的回應或內容,或其他〝垃圾訊息〞;
    e. 針對他人種族、族群、國籍、性別、性別認同、性取向、宗教、身心障礙或疾病嘅言論;
    f. 色情,血腥暴力或自殘行為;
    g. 破壞生態環境;
    h. 恐怖主義、組織犯罪或仇恨團體;及
    i. 網上賭博或獎券、涉及金錢交易的網上賭博及其他技能遊戲或獎券。

    如果你喺我哋嘅專頁發現以上內容,請你根據呢頁嘅指引,向Instagram作出舉報。

  9. 雖然呢個Instagram帳戶係由恆生銀行所管理嘅,請你唔好喺我哋嘅專頁發佈任何你的銀行戶口資料或者你同恆生銀行嘅財務關係。我哋亦唔會喺呢個專頁問你攞呢啲資料。

  10. 如果你發現有人未經你同意發佈你嘅相片或影片或者你相信其他用戶喺我哋嘅專頁所發佈嘅帖子,侵犯咗他人嘅知識產權,請你嘗試喺嗰個帖子回應要求發佈人撤除內容。如果你係呢啲相片或影片嘅擁有人,你可以根據呢頁嘅指引向Instagram遞交一份版權投訴報告。

  11. 如果我哋相信其他用戶喺我哋嘅專頁所發佈嘅帖子,侵犯咗他人嘅知識產權,我哋亦會向Instagram舉報同埋保留我哋任何權利。

  12. 我哋只會喺我哋嘅專頁移除任何我哋覺得牽涉以下性質嘅資訊:
    a. 其違反Instagram嘅使用條款、守則指引及其他政策;
    b. 其違反我哋嘅用戶守則;
    c. 其包含不適當嘅用語、回應或內容;
    d. 其具有失實、有誤導性或欺詐性嘅成分;
    e. 其發佈涉及非法或未經授權嘅用途;
    f. 其包含歧視、成見、霸淩、騷擾他人或唔禮貌嘅成分;或
    g. 其侵犯他人嘅知識產權。

    如果你覺得我哋錯誤地移除咗你喺我哋專頁所發佈嘅內容,請你透過呢個電郵地址 [輸入相關電郵地址]向我哋查詢。

  13. 如果你相信自己嘅Instagram帳戶被盜用,請你根據呢頁嘅指引尋求協助。

  14. 如果你喺我哋嘅專頁見到任何帖子暗示有人萌生自殺或自殘嘅念頭,或正面臨迫切嘅生命危險,請你立即致電999聯絡香港警方。即使目前並未面臨迫切嘅生命危險,我哋都希望你可以透過呢頁向Instagram舉報嗰個帖子。

  15. 如果你嘅家長或監護人對你使用我哋嘅專頁有任何問題,佢哋可以參閱《Instagram 家長指南》,而呢份指南可以透過呢嗰連結下載。

  16. 喺你點擊任何透過我哋嘅專頁可以接觸到嘅第三方連結、網站、服務或其他功能之前,請你格外留神,因為我哋係唔會為任何因此而引致嘅損失、損害或其他後果負責。

  17. 我哋Instagram專頁嘅中文版用戶守則為英文版本嘅譯本。如果中、英文兩個版本有咩唔清楚,或者中、英文版本有任何唔相符嘅地方,最後應以英文版本為準。
 
重要提示:

同你哋一樣,作為另一個Instagram用戶,我哋恆生銀行都要遵守同一套嘅Instagram使用條款及政策。我哋冇辦法知道,亦冇辦法控制Instagram點樣運用嗰啲條款。所以,請你小心注意以下嘅事項:

 

  1. Instagram條款。Instagram公佈嘅條款將不時修訂。我哋係唔會提供任何有關條款更新嘅資訊比你。你需要為自己一切唔遵守嗰啲條款嘅行為負責。

  2. 資料保障。

    a.如果你喺我哋專頁提供任何個人資料,佢哋嘅收集、使用、披露及儲存過程將受到Instagram《數據使用政策》嘅約束。

    b.我哋唔會為Instagram喺收集、使用、披露及儲存你個人資料過程中引致嘅任何損失、損害或責任負責。

    c. 你需要為自己喺Instagram嘅私隱設定全權負責。如果因為你自己帳戶嘅私隱設定,令到你發佈嘅帖子及內容可以比公眾瀏覽,我哋喺唔會為此負上任何責任。

  3. 内容。

    a. 喺我哋專頁分享任何事物時,請你遵守我哋指引嘅規定(詳情可以睇我哋嘅《用户守則》)。

    b. 喺我哋專頁及帖子上發表自己嘅意見時,請你尊重他人嘅知識產權。
    c. 喺我哋Instagram專頁上發佈內容,表示你同意比我哋同Instagram有權免費及自由地去使用全部或部分你發佈咗嘅內容,而我哋有權將呢啲內容用喺任何我哋覺得適合嘅用途上。

    d. 我哋冇辦法控制Instagram點樣使用你發佈嘅內容,我哋亦唔會為Instagram任何及所有你認為侵犯咗你權利嘅行為負責,無論嗰啲行為係喺Instagram 或其他地方發生。

    e. 我哋冇辦法控制其他用戶喺我哋專頁轉載或發佈咩嘢類型嘅內容。我哋亦唔會為其他用戶所發佈嘅內容或侵犯他人知識產權嘅行為負責,無論嗰啲內容及行為係喺我哋嘅專頁或其他地方發佈或發生。

    f. 如果我哋相信任何你所發佈嘅內容侵犯咗他人知識產權,我哋可能向Instagram提出申訴,刪除你嘅內容,及保留向你追究嘅權利。

    g. Instagram有權刪除任何佢哋覺得違反咗佢嘅使用條款或政策嘅內容。我哋無權過問,亦冇辦法控制Instagram因咩嘢原因及幾時刪除任何內容。

    h. 我哋會考慮你提出刪除你已經喺我哋專頁發佈嘅任何內容嘅請求。但係,除非嗰啲內容係喺我哋絕對控制之下,我哋冇辦法確保可以刪除佢哋。

    i. 我哋亦想提醒你,其他用戶可能已經複製咗任何曾經喺我哋專頁上但之後又被刪除嘅內容,並轉載到其他網站或社交平台上。我哋冇辦法控制,亦唔會為呢啲轉載行為負責。

  4. 服務質素。

    a. 我哋只係Instagram其中一名用戶,所以我哋冇辦法確保呢嗰平台嘅一切事物都準確無誤及安全,同埋佢所有嘅服務喺任何時候都有得用。

    b. 我哋冇辦法預測Instagram嘅擁有權或控制權會唔會出現變化。我哋係唔會為任何因為呢啲變化而引致嘅損失、損害或責任負責。

    c. 任何你提供有關Instagram服務嘅意見,都可能俾Instagram不受限制地,及喺無需提供報酬嘅情況下,任意使用。

  5. 免除責任。

    a. 你要為你使用我哋呢嗰專頁而引致嘅所有風險及責任,全權負責。我哋喺任何情況下,都唔會因爲你使用我哋專頁而受到嘅任何損失或損害,負上責任。

    b. 我哋亦唔會因為你透過我哋嘅專頁接觸到嘅任何第三方連結、網站、服務或其他功能繼而引致嘅任何損失或損害,負上責任。

    c. 我哋唔會為任何第三方負上任何嘅義務或責任。

  6. 语言。我哋嘅中文版重要提示則為英文版本嘅譯本。如果中、英文兩個版本有咩唔清楚,或者中、英文版本有任何唔相符嘅地方,最後應以英文版本為準。

  7. 適用法律 。香港法律將適用於解決任何與使用呢嗰Instagram專頁有關嘅糾紛。