喺香港置業申請按揭，最常見嘅浮動利率計劃就係「H按」同「P按」。「H按」跟香港銀行同業拆息 (HIBOR)；「P按」就跟港元最優惠利率 (HKD Prime Rate)。比較兩者時，除咗實際按揭利率，你亦都要考慮埋封頂利率（封頂位）、現金回贈同供款安排等因素，唔好淨係睇銀行嘅現行利率。記得預留一筆應急資金，就算利率有波動，都唔會影響你嘅日常現金流。
「H按」係以香港銀行同業拆息 (HIBOR) 為基準嘅按揭計劃，即係銀行之間互相借錢嘅利率。
「P按」係以港元最優惠利率 (Prime Rate) 為基準嘅按揭計劃。
| 比較項目 | 「H按」 | 「P按」 |
|---|---|---|
| 基準 | 香港銀行同業拆息 (HIBOR) | 港元最優惠利率 (P) |
| 走勢 | 較貼近市場拆息，波動較大 | 相對穩定，較少大幅調整 |
| 保障 | 設有以P為基準嘅封頂利率 | 直接跟隨P嘅變化 |
簡單嚟講，「H按」較適合可以承受供款波動嘅客戶，而「P按」則較適合重視供款穩定嘅客戶。
你可以將慳到嘅利息用嚟提早還款、儲起做備用錢或者還咗其他高息債先。你仲可以比較下唔同按揭計劃，考慮「轉按」，把握機會享受更低利率，慳息之餘仲可以賺現金回贈；有需要時甚至可以加借一筆流動資金，令你供樓供得更輕鬆！
如果想提早還款，記得查清楚罰息期、手續費同銀行嘅安排，先好決定要用啲錢嚟還款定係做流動資金。
唔同銀行採用唔同港元最優惠利率，俗稱「大P」或「細P」。用「大P」嘅銀行按揭計劃唔一定收取更高嘅利率，因為銀行會用港元最優惠利率 (P) 減去一個由銀行訂立嘅折扣百分比，所以你要連同折扣幅度同封頂位一齊比較。
部分計劃可以轉換，但次數、費用同條款都各有唔同，申請前最好同銀行確認。
恒生銀行有限公司或其附屬公司（「恒生」）在此提供的資料僅供一般資料及參考之用，並不構成，亦無意作為，也不應被詮釋為專業意見或建議。所載資料乃根據恒生認為可靠的資料來源而編製，惟該等資料來源未經獨立核證。該等資料可作修改而毋須另行通知。恒生並未就此網頁內所載任何一般資訊、預測及／或意見（「資訊」）的公平性、準確性、時限性、完整性或正確性，以及該等資訊所依據的基準作出任何明文或暗示的保證、陳述、擔保或承諾，亦不會就使用及／或依賴此網頁內所載任何資訊而負責或承擔任何法律責任。讀者須自行評估此網頁內之相關資料的相關性、準確性及充足性，並作出彼等為該等評估而認為必要或恰當的獨立調查。恒生並無就其中所述是否適合或切合任何個別人士的情況作出任何聲明或推薦，亦不會就此承擔任何責任。